جربت مرة تمشى على الكورنيش فى إسكندرية قبل الشروق بنص ساعة كده؟؟؟؟؟
وتحس بالهوا النقى اللى مفيهوش ولا جكمانات ولا درة مشوى ولا مدخنة لب وسودانى بقاله 30 سنة بيتسخن على أمل البيع ,طب وتلاقى الشوارع فاضية ورايقة وتحس ان الدنيا سلسه ولا كلكعة مرور ولا اشارات....والناس اللى بتبقى ماشية فى الوقت ده بيجرو او بيمشوا رياضة ومفيش حد ليه دعوة بحد؟؟؟
دى اجمل لحظات بستمتع بيها بأسكندرية وبحس انى فى الجنة منظر البحر ولسه اول خيوط الشمس بتداعبه الهوا النقى اللى تحس انه بيجدد روحك
اللحظات دى بتبقى قليلة جدا ومحدودة فبتحاول تقتنصها وتعيشها على اد ماتقدر
وانا فى عز استمتاعى باللحظات دى بتيجى على بالى فكرة لو كل ايامنا كده...لو الهواء علطول نقى والشمس يادوبك نور خافت ولا حر ولا فطسان فى عز النهار والشوارع فاضية وتقدر تشوف الأسفلت مش حتغطيه جيوش العربيات المتوحشه..لو الناس كلها ظريفة وبتعمل رياضة وبتسمع موسيقى على البحر ياااااااااه دى تبقى فله قوى يا جدعان
دانا اروح كل مشاويرى ماشى على رجلى واحب الحياة قوىى
بس تجيلى فكرة تانية هو لو الحياة تبقى كده حنرضى بيها؟؟...بمعنى مش حنزهق منها فى يوم ونحن لزحمة او لصوت كلاكسات ورا بعض او لخناقة فى الشارع كده او لسوعة الشمس.... ونحلم واحنا نايمين بالزحمة والحر والشمس والناس اللى ماشية تخانق مع نفسها والجكمنات واللب المحمص والدرة
....
Friday, July 27, 2007
Subscribe to:
Post Comments (Atom)
3 comments:
دانا اروح كل مشاويرى ماشى على رجلى
:S:S:
انت مين يا عم انت .. عملوا فيك ايه
يا هيثوم بلاش فضايح...خلاص ايام الأنتخه ولت والكسل راح
dead :P
ana 3amaltaha 2bl keda ,, bas fel shrou2 :)
e7sas begad la yousaf .. w yareet kol el ayam keda
bas zay manta 2olt ,, lw kanet el7ayah kolaha keda konna hanzeha2 w nedwar 3ala 7etta dawsha w ne7es enaha a7la 7etta feldonya :DD
Post a Comment