Saturday, May 13, 2006
ده كان تاريخ اخر بوست ليا فى مدونتى العزيزة ذو العمر القصير جدا جدا جدا
فى بدايات صيف 2006 بدأت التدوين بتشجيع وتحفيز من صديقى العزيز جار القمر صاحب المدونة المشهورة والحائز على جائزة افضل مدونة عربية للعام 2006 بالرغم من اختلافنا فى حاجات كتير يمكن كان عايز طرف للمناوشة والأختلاف ..ما علينا وبدأت الكتابه بصراحة مكنتش عارف اكتب فى ايه انا من النوع اللى يعرف يتكلم اكتر من انه يكتب اصدقائى بيسمونى المكلمنجى يعنى بلاقى سلاسة فى خروج وترتيب الأفكار والتعبير عنها بصدق فى الكلام اكتر من الكتابه....
طب ايه اللى رجعك يا اموور؟؟؟؟؟ بصراحة كنت عايز اعلق فى مدونة جديدة جميله جدا اسمها انا ونفسى وبعدين خيرونى فى البوست انى استخدم حساب الجوجل البريدى ولا حساب البلوجر....ايه ده بلوج ايوه يابنى اولى اول يا حبيبى انت لسه عايش وافتكرت طبعا انى كنت رافع رايه تحت التطوير لمدة سنة وشهرين بصراحة تميز وتفوق ههههه
لقيت البلوج واحشنى ولحسن الحظ كنت شايل نسخة من البلوج هوبا يلا بينا انسخ الصق يافتى ثم بوست وان شاء الله ححاول اكون مكتباتى مش مكلمنجى بس حتى ولو فى الأستخوبوس كده من غير محد يقرا اللى انا بكتبه
Subscribe to:
Post Comments (Atom)
4 comments:
welcome on board friend ;))
hey thx haisomy:)
mabrouk el 3awada el gamela. we isa neshoflak 7agat tanya ketera, we kewyesa
bas ana 3ayza 2a2olk 7aga, en el maklamangy, lazem haykom ketabatgy shater
ana kont fakra nafsy keda. bas elly 7'alany ab2a maktabgeya, awlan 7oby lel ketaba, tany 7aga, la2et temma akteb 3anha, hadaf ya3ny
so go ahead, we rabena yewafa2ak
we thanks alot 3ala esmy elly enta 7ato.
we dah sharf leya eny akon sabab we law 3'er mobasher, enak terga3 le goz2 menak, 7ata law mesh 3agbak
7amdellah 3al salama
Post a Comment