Clouds...

مجموعة من تصويرى الخاص..بصراحة لما مااا علينا اتكلمت عن ابداع ربنا سبحانه وتعالى فى تشكيل السحاب قلت لازم اعمل البوست ده
يارب يعجبكم

ألوان

الصورة الأولى بورتريه شخصى والثانية تصويرى الخاص والتصميم أما اخر اثنان فهما من تصميمى فقط

سكلانس

الو كابتن ممدوح؟
ايوه ,مين معايا؟
انا احمد يا كابتن
اهلا اهلا يابو حميد
قولى يا كابتن هو بنويت مات؟؟
ايوه يابوحميد قتل مراته وابنها وبعدين انتحر
اه..كان جامد قوى يا كابتن بس اقولك حاجة انت اجمد منه يا كابتن ممدوح انت تبهدله
!!!هيههيه شكرا يابو حميد
..................
وجبة سمك فخمة فى المصيف ,سلطة طحينة وسلطة ورز صيادية و
جرايد قديمة لزوم الفرش
هل تتخيل انك ممكن تسيب كل المشتهات السمكيه والسلطية وتقعد تقرا الجرايد القديمة اللى تحت الأكل
ساعات بحس ان وجبة السمك بتبقى مكان لقرايه الجرايد اكتر من الأكل
...................
لو سمحت يابنى تعرف فين حضانة الدببه الصغيرة؟؟
مين؟؟؟؟؟
يوووه بقى تانى برضه...بقولك حضانة الدببة الصغيرة مابتسمعش؟
لا والله معرفش
طب خلاص
...................
سعـــاد ماســى هو الأسم الحقيقى للفنانة ســوســو ألمظيه
...................
بـــخ

هوا نقى وسما صافيه

جربت مرة تمشى على الكورنيش فى إسكندرية قبل الشروق بنص ساعة كده؟؟؟؟؟
وتحس بالهوا النقى اللى مفيهوش ولا جكمانات ولا درة مشوى ولا مدخنة لب وسودانى بقاله 30 سنة بيتسخن على أمل البيع ,طب وتلاقى الشوارع فاضية ورايقة وتحس ان الدنيا سلسه ولا كلكعة مرور ولا اشارات....والناس اللى بتبقى ماشية فى الوقت ده بيجرو او بيمشوا رياضة ومفيش حد ليه دعوة بحد؟؟؟
دى اجمل لحظات بستمتع بيها بأسكندرية وبحس انى فى الجنة منظر البحر ولسه اول خيوط الشمس بتداعبه الهوا النقى اللى تحس انه بيجدد روحك
اللحظات دى بتبقى قليلة جدا ومحدودة فبتحاول تقتنصها وتعيشها على اد ماتقدر
وانا فى عز استمتاعى باللحظات دى بتيجى على بالى فكرة لو كل ايامنا كده...لو الهواء علطول نقى والشمس يادوبك نور خافت ولا حر ولا فطسان فى عز النهار والشوارع فاضية وتقدر تشوف الأسفلت مش حتغطيه جيوش العربيات المتوحشه..لو الناس كلها ظريفة وبتعمل رياضة وبتسمع موسيقى على البحر ياااااااااه دى تبقى فله قوى يا جدعان
دانا اروح كل مشاويرى ماشى على رجلى واحب الحياة قوىى
بس تجيلى فكرة تانية هو لو الحياة تبقى كده حنرضى بيها؟؟...بمعنى مش حنزهق منها فى يوم ونحن لزحمة او لصوت كلاكسات ورا بعض او لخناقة فى الشارع كده او لسوعة الشمس.... ونحلم واحنا نايمين بالزحمة والحر والشمس والناس اللى ماشية تخانق مع نفسها والجكمنات واللب المحمص والدرة
....

مسك الليل

 مؤثر ايقاعى غامض يعطيك ايحاء بجو الليل... صوت القطار الماضى فى هدوء كى لا يزعج نسمات
الليل العذبة....تنساب بعدها نغمات الجيتار فى سلاسه
وتواصل تمهدك للتمتع بنسمات الليل فى خط ايقاعى ثابت سيصحبك طوال الأغنية يدخل
عليها نغمات متناثرة متقلبة مثل النسمات اللطيفة

التى تنعشك تارة وتفتقدها تارة آخرى...



في هاد الوقت كي الحال كل دقيقة يتبدل

في هاد الوقت كي وراق الشجر تبدأ تدبل

و ريحات التراب.. كي تصب شتاء

دمعة في عيني تلعب.. نتفكرك إنت

......

في هاد الوقت كي تغيب الشمس.. و ماتزيد تبان

في هاد الوقت كي الطيور.. تهاجر الأغصان

و ريحة التراب.. كي تصب شتاء

يبان لي طريق طويل ..بلا بيك إنتا







مع مداعبات العود خلال الشطرات

ثم تجد روحك مسلوبة مع آهات تنقلك الى عالم آخر تطير بك يصاحبها انسياب قطرات
ايقاعية ثم تهبط بك برقة ب

و توحشت و توحشت و توحشتك

صوت ملائكى...وفى تهاد تتلاشى وتوحشتك بمنتهى الرقة والعذوبة



و توحشت و توحشت و توحشتك

شبعت الويل

و توحشت ريحة

مسك الليل



وتكررها مرة آخرى لكى تصل بك لأقصى لحظات الأستمتاع والنقاء



توحشت الطرقان اللي حفظوني

توحشت حتى اللي كرهوني

و ريحة التراب..كي تصب شتاء

يبان لي طريق طويل.. بلا بيك إنتا



ثم يشترك العود فى القضاء على آخر حالاتك الأرضية بتمهيدك ل

 

وتوحشت وتوحشت وتوحشتك

وتوحشت ريحة

مسك الليل

 

فى تواصل وسلاسه

لتحلق بعيدا تاركا الأرض محلقا بين سحابات الليل المتناثرة ثم يرجع العود مرة آخرى
مع النغمة الإيقاعية المتواصلة من أول الأغنية للجيتار ليجد العود نفسه وقد تأثر
وحلق معك بعيدا بكل احاسيسه

وتنساب النغمات فى تهاد ...والأن انت لا تريد العودة
للأرض مرة آخرى لأنك محلقا اشتممت

مسك الليل

 

انترنت 1: ممكن تعملى ايمايل لو سمحت....الله يخليك

ممكن تعملى ايمايل لو سمحت....الله يخليك
لن انسى هذا اليوم كان فى حوالى 1999 فى الصيف اللى قبل اولى ثانوى كنت لسه عارف ناس جديدة عن طريق اصحاب اعدادى وكنا نستقل الترام بعد اكلة فول وفلافل متينة من ابو ربيع على المحطة العتيقة وكان على رأس الناس دى هيثم..الذى ابهرنا فى يوم عندما اخبرنا انه يمتلك ثلاث ايميلات ...وااااااو مين الجامد ده؟؟؟ والنبى يا كابتن عملتهوم ازاى هاه هاه؟؟؟ رد بمنتهى الثقة مينفعش فى الترام دى حكاية معقدة...احب هو ان يستأثر بالسر العلمى العالمى التكنولوجى الخطير و لم يكتفى بذلك بل أخرج من محفظته العتيقة كارت لمحاسب وعلى خلفيته كتب بحروف من ثقة وتفوق عناوينه الألكترونية المتناثرة ياهوو,هوتميل,مكتوب ..يابن الذينا بتعملهم ازاى؟؟؟
وطبعا كحائز المعدن الجديد لم يفشى هيثم السر..وظللت احلم بامتلاك ولو ايمايل واحد وكيف اقتحم ذلك العالم العنكبوتى المرعب ..الأنترنت
بعد ذلك بعدة اسابيع عرض على صديق الطفولة بورجو كما نطلق عليه احيانا نسبة الى البورجوازيه..المهم عرض على الذهاب فى نزهة الى انترنت كافيه وكانت تكلفة تمضية بضع ساعات فى هذا المكان اغلى من كلفة دخول السينما..الساعة كانت بحوالى عشرة جنية وكده كانت رخصت وكانت شىء نادر..روحنا وانا طبعا ابيض يا ورد وكان بورجو متحمس جدا وقالى :حوريك النهاردة بلاوى حاجة فوق الوصف...وطبعا انا ساعتها كنت فى منتهى الأثارة شىء يضاهى دخولك ديزنى لاند لأول مرة
وبدأ بورجو فى أخذ يدى لهذا العالم السحرى ....دخلنا على محرك بحث هوتميل حيث لم يكن فى وقتها محركات بحث افضل ومتطورة ومتنوعة مثل الآن وبمنتهى الإنبهار وبعين مليئة بالجرأة...قالى: بص بقى حنكتب مرسيدس وتضغط بالماوس هنا كده حيجيبلك صور وموديلات مرسيدس وحاجات كتير وطبعا انا بانكار وعدم تصديق رديت قولتله مش قوى كده انت حتشتغلنى ولا ايه؟؟ وطبعا وقت تحميل الصفحة كان كافى اننا نختلف ونقنع ونتعارك وكله...وبالفعل فتحت الصفحة ووجدت كلامه صحيح صور اخبار معلومات كل شىء موجود ونظر لى نظرة الواثق شوفت....وانا طبعا مذبهل طبعا يمكن حد يفتكر انها سذاجة بس للفت النظر كان عندى 13 سنة وما ادراك بالأنترنت فى التسعينات...طبعا طلبت منه انه يعملى ايمايل وقعدت ادرس بدقة وانتباه كيفية الدخول الى الأيميل بعد فشلى فى تتبع كيفية عمله لأنه برضه استخدم معايا بعض التمويه ...زيه زى هيثم
وأخيرا اصبح عندى ايمايل...قريبا ححكيلكم عن استخدامنا العبقرى العصرى للأنترنت المصرى بعد ما بقينا جامدين وعندنا ايميلات
.....بـــخ

Ennio Morricone Music

">

لحظات سعادة مطلقة...مؤقته

هل حسيت فى يوم بالأحساس ده؟؟؟؟انك سعيد بشكل فوق الوصف....طب وبعدين؟؟ انك ممكن تعمل اى حاجة وفى اى وقت حتى لو كنت مبتحبهاش فى الأوقات التانية وبتمثلك عبء....طيب كمل!! انك ممكن تبقى خدوم لصحابك واهلك بشكل مطلق ومعندكش مانع تعمل اى حاجة مع انك فى الطبيعى بتطلع عين اى حد عشان تعمله خدمة وبتبقى كسلان لأبعد حدود...مممممم ايه تانى؟؟ انك تبقى ماشى فى الشارع سعيد ومنطلق وعايز تحضن كل الناس وتدور توزع بركات السلام والتحية والأبتسامة الورديه على كل اللى تشوفهم...تطلع سلم البيت جرى وتلاطف ولاد البواب مع انهم عيال غتته...واول ماتخش البيت بابا حبيبى ماما حبيبتى جدو حبيبى تيته حبيبتى اخويا حبيبى اختى حبيبتى وبلدى حبيبتى...احم احم بلاش بلدى دى ولا اقولك انت مهيص يعنى حتيجى على مصر الغلبانة خليك حبوب وحبها بالمرة.....حـــسيت بكل ده؟؟؟ إذن أهلا بك فى لحظات السعادة المطلقة المؤقتة؟؟؟؟؟
ايه دى بقى يا عم؟؟
دى لحظات بتشعر فيها بسعادة غامرة بتنسيك اى منغصات حياتية تانية وبتخليكى متصالح مع نفسك ومستعد تعمل اى حاجة ومتفهمش ايه كمية النشاط والتسامح اللى بتحس بيها فجأة...
طب ودى بتبقى امتى يابو الكباتن؟؟؟
اقولك,,بتبقى يوم ما تروح تجيب النتيجة وانت رايح مظبط نفسك حتشيل مواد وتلاقى انك جايب تقدير...
يا حلاوتها اه يعنى مفاجأة جميلة غير متوقعة؟؟؟
بالظبط كده...وتحسها برضه لما تسمع بحبك اول مرة من حد انت بتحبه دى بقى اوعدك بالطيران...
طب وامتى تانى؟؟؟
فى بقى لحظات مادية اكتر يعنى اخدت فلوس كتير...جبت حاجة كان نفسك فيها من زمان بس دى بيبقى تأثيرها اقل من الحاجات المعنوية..دايما راحة البال لا تشترى باموال...
طب ما ده شىء جميل ان الواحد يبقى متسامح ومتفائل ومتعاون ايه المشكلة؟؟
المشكلة ان وعد من أخ مخلص لن تستمر الحالة دى اكتر من 3 او 4 ساعات...او ممكن يوم لو انت انسان نقى حبتين او مُسبب السعادة فوق الوصف زى مثلا فى يوم وليلة تشتغل وتتجوز وتجيب عربية وشقة نضيفة وتكسب مليون جنيه والحاجات الحلوة الجميلة السهلة دى..
بس عارف مع انها لحظات قصيرة...بس بتجدد فينا وبتورينا ان احنا ممكن نعمل حاجات كتير لو عندنا سعادة ورضا داخلى وده بيهيألى اللى بينشده كل انسان
.....بـــخ

ايه ده ياااااااه!!!!!امشى ياد

Saturday, May 13, 2006
ده كان تاريخ اخر بوست ليا فى مدونتى العزيزة ذو العمر القصير جدا جدا جدا
فى بدايات صيف 2006 بدأت التدوين بتشجيع وتحفيز من صديقى العزيز جار القمر صاحب المدونة المشهورة والحائز على جائزة افضل مدونة عربية للعام 2006 بالرغم من اختلافنا فى حاجات كتير يمكن كان عايز طرف للمناوشة والأختلاف ..ما علينا وبدأت الكتابه بصراحة مكنتش عارف اكتب فى ايه انا من النوع اللى يعرف يتكلم اكتر من انه يكتب اصدقائى بيسمونى المكلمنجى يعنى بلاقى سلاسة فى خروج وترتيب الأفكار والتعبير عنها بصدق فى الكلام اكتر من الكتابه....
طب ايه اللى رجعك يا اموور؟؟؟؟؟ بصراحة كنت عايز اعلق فى مدونة جديدة جميله جدا اسمها انا ونفسى وبعدين خيرونى فى البوست انى استخدم حساب الجوجل البريدى ولا حساب البلوجر....ايه ده بلوج ايوه يابنى اولى اول يا حبيبى انت لسه عايش وافتكرت طبعا انى كنت رافع رايه تحت التطوير لمدة سنة وشهرين بصراحة تميز وتفوق ههههه
لقيت البلوج واحشنى ولحسن الحظ كنت شايل نسخة من البلوج هوبا يلا بينا انسخ الصق يافتى ثم بوست وان شاء الله ححاول اكون مكتباتى مش مكلمنجى بس حتى ولو فى الأستخوبوس كده من غير محد يقرا اللى انا بكتبه