سكلانس

الو كابتن ممدوح؟
ايوه ,مين معايا؟
انا احمد يا كابتن
اهلا اهلا يابو حميد
قولى يا كابتن هو بنويت مات؟؟
ايوه يابوحميد قتل مراته وابنها وبعدين انتحر
اه..كان جامد قوى يا كابتن بس اقولك حاجة انت اجمد منه يا كابتن ممدوح انت تبهدله
!!!هيههيه شكرا يابو حميد
..................
وجبة سمك فخمة فى المصيف ,سلطة طحينة وسلطة ورز صيادية و
جرايد قديمة لزوم الفرش
هل تتخيل انك ممكن تسيب كل المشتهات السمكيه والسلطية وتقعد تقرا الجرايد القديمة اللى تحت الأكل
ساعات بحس ان وجبة السمك بتبقى مكان لقرايه الجرايد اكتر من الأكل
...................
لو سمحت يابنى تعرف فين حضانة الدببه الصغيرة؟؟
مين؟؟؟؟؟
يوووه بقى تانى برضه...بقولك حضانة الدببة الصغيرة مابتسمعش؟
لا والله معرفش
طب خلاص
...................
سعـــاد ماســى هو الأسم الحقيقى للفنانة ســوســو ألمظيه
...................
بـــخ

ابتسم انت فى مصر

اهلا بيك فى بلدك الوسخة مصر...فى البهو الرئيسى حتلاقى أخوانك المواطنين بياخدوا جلسات ماساج علشان الشنكلة اللى فى دماغهم...يقوم بالجلسات اخوان مواطنين ملائكة يرتدون ابيض فى ابيض....وبعد الجلسات العلاجية حياخدوك عشان يفكوا التربنة اللى فى دماغك وتتطلع تحلف بحياة والدك انك فى الجنة,ومن الشرفة ستجد بعض المختلين العقليين بيفجروا فى الناس..مجانين معلش,وحبة خونة تانيين متغاظين ان الريس كسب فقال ايه كان فى تزوير..عيب خلى روحكم رياضية..بس متقلقش بلدك الوسخة حتتصرف معاهم,لأ وشوف البجاحة حبة شباب صيع بيتظاهروا معاهم..متقلقش ظبتناهم..هىء هىءبس صحيح احنا مالنا..انت...أكلت؟شربت؟المدام تمام؟فكيت نفسك فى الحمام؟نمت؟قشطة..روح بقى هات ورقة اكتب فيها مصر جميلة عشر مرات وبوس الورقة تلات مرات وبلها فى فانتا تفاح واشربها وشد اللحاف ونام وانت بتغنى مصر يا أول نور فى الدنيا شق ظلام الليل

دمك طعمه حلوو

س:انت عارف ان فيه ناس مش لاقيه تاكل؟
ص:يا راجل.....! المهم عايز الهمبورجر دلوقت بكاتشب ولا طحينة؟
س:انا طلعت بتلات مواد التيرم ده......
ص:معلش قدر الله ما شاء فعل انت مش مؤمن ولا ايه لالا وحد الله ان شاء الله تعوض
س:انت طلعت بمادة....
ص:انا؟؟؟؟؟؟؟؟؟؟ يلعن ابو كده لييييييييييييه؟؟؟ ودينى مانا سايبهم
س:يا عم مالك بس إستهدى بالله
ص:ماشى ماشى سيبونى دلوقت عشان انا مخنوق ومش طايق نفسى
س: شوفت بيقولك فى واحد مسيحى اتقتل فى إسكندرية!
ص:وانا مالى انا زى الفل أهو وبعدين دول مسيحيين وانا مسلم
س: يابنى بس مش ده بنى آدم برضه؟؟؟
ص:يابنى ده مسيحى!!!#%$@*
س: بيقولك الجفاف انتشر فى أفريقيا والناس يا عينى مش لاقيا نقطة الميه,ده غير المجاعة
ص: قشطة يا بنى ماهما مابيكلوش فعشان كده ما بيعطشوش وزيتنا فى دقيقنا...وبعدين الميه مش مهمة قوى ولا إيه؟؟؟؟؟.................يييييييييه يادى النيلة فين كولدير الميه عايز اشرب ميه ساقعة ايه مفيش رحمة!؟
س:شوفت اللى حصلى سوسو سابتنى\I____I/
ص:لا حول ولا قوة إلا بالله , ليه يابنى دنتوا كنتم سمنة على عسل,آخر حاجة كنت أتوقعها ان ده يحصل ...وبعدين دى حاجة تقهر بصراحة,بس معلش بكرة تنساها يابنى البنات على قفا من يشيل بس انت إنوى وبعدين الراجل عمره ما يعيط على بنت ,خلاص راحت بقى ننسى اللى فات ونفكر فى اللى جاى.....!
ص:شوفتى يا حبيبتى (س) صاحبى سوسو سابته.....مش معقول الناس دى مفيش حب حقيقى كله تزييف مش زينا إحنا مش ممكن نسيب بعض
صوصو: آه!!!!
ص: مالك يا أملى ؟
صوصو: ايه؟؟؟
ص: انت مالك متغيرة؟
صوصو: بص يا (ص)...انت كويس وكل حاجة بس بصراحة انا مرتبطة بواحد تانى دلوقت وهو غير فكرتى عن الحياة أنا آسفة جدا إحنا لازم ننهى اللى بينا....
ص: لأ لأ لاااااااااااااااا انا حنتحر حنتحر ..............آه ه ه ه ه ه ه ه ه ه ه ه ه ه ه بووم طاخ%&*#$@
س: مش معقول (ص) انتحر!!!????
ع: سيبك ده ميت كافر مايتبكاش عليه ,المهم حنخش فيلم إيه النهاردة؟؟؟
دول البنى آدمين عارفهم؟؟؟؟؟؟
إحنا منهم على فكرة......
بنشرب من دم غيرنا ونقول كمااان ,لأننا مبنحسش غير بمصايبنا نايميين ومأنتخين ولما يحصلنا حاجة هوب بنتفزع ونفوق,
ولا إيه؟؟؟؟؟